पोखरा, ३० मंसिर
नेपाल मगर संघ, दीप बगर इकाई समितिको १० औं अधिवेशन तथा २० औं वार्षिक साधारणसभाबाट अध्यक्षमा बालचन रानामगर दोस्रो कार्यकालका लागि सर्वसम्मत निर्वाचित हुनुभएको छ । शनिबार सम्पन्न अधिवेशनबाट उपाध्यक्षमा रेकबहादुर थापामगर, सचिवमा चित्रबहादुर रानामगर, सहसचिवमा थकमाया रानामगर, कोषाध्यक्षमा विकास थापामगर र सहकोषाध्यक्षमा टेकबहादुर थापामगर सर्वसम्मत चयन हुनुभएको छ । त्यसैगरी, सदस्यहरूमा हुमबहादुर रानामगर, आइतीश्री थापामगर, तुलबहादुर रानामगर, बलबहादुर सारुमगर, झमबहादुर आलेमगर, भीमा थापामगर, बुद्धिसुबा थापामगर, कुलबहादुर थापामगर, अमरबहादुर थापामगर, बमबहादुर मगर, नेत्रबहादुर मगर, शान्त मगर र गोरेबहादुर गुर्मछानेमगर रहनुभएको छ ।
त्यस्तै, नेपाल मगर महिला संघ, दीप बगर इकाई समितिको अध्यक्षमा देवी आलेमगर सर्वसम्मत चयन हुनुभएको छ । जसको उपाध्यक्षमा अमिकला थापामगर, सचिवमा राममाया थापामगर, सहसचिवमा कुलीसरा रानामगर र कोषाध्यक्षमा विष्णुकुमारी रानामगर चयन हुनुभएको छ । त्यसैगरी, सदस्यहरूमा कविता आलेमगर, मेहनसरी रानामगर, मीनकुमारी रानामगर, उर्मिला थापामगर, चित्रमाया रानामगर, निमु सिंजालीमगर, रेनु रानामगर, दिलमाया थापामगर, चोककुमारी रखालीमगर, गीता आलेमगर, बालकुमारी थापामगर (रीता), ज्ञानुमाया थापामगर, छिताकुमारी तरामुमगर र सीता थापामगर रहनुभएको छ ।
अधिवेशनबाट दिलीप रानामगरको अध्यक्षतामा १३ सदस्यीय नेपाल मगर युवा संघ, दीप बगर इकाई समिति समेत चयन भएको छ । जसको उपाध्यक्षमा विमला थापामगर, सचिवमा मितु रानामगर र कोषाध्यक्षमा स्मृति रानामगर रहनुभएको छ। त्यसैगरी, सदस्यहरूमा इन्द्रबहादुर रानामगर, अमग्य रानामगर, होमबहादुर रानामगर, जीवन रानामगर, प्रतीक रानामगर, जीवन थापामगर, विष्णु फगामीमगर, सुमन आलेमगर र प्रवीण रानामगर रहनुभएको छ ।
त्यस्तै, नेपाल मगर सांस्कृतिक संघ, दीप बगर इकाई समितिको अध्यक्षमा लक्ष्मी गर्बुजामगर चयन हुनुभएको छ । जसको उपाध्यक्षमा कञ्चन रानामगर, सचिवमा ऋतिक शेर्पुजामगर र कोषाध्यक्षमा भुवनसिंह रानामगर रहनुभएको छ । त्यसैगरी, सदस्यहरूमा अमिसा थापामगर, कञ्चन रानामगर र सुदीप पुनमगर रहनुभएको छ ।
यसअघि, अधिवेशनको उद्घाटन गर्दै नेपाल मगर संघ, कास्कीका उपाध्यक्ष चन्द्रबहादुर पुर्जामगरले मगर जातिको भाषा, संस्कृति र भेषभूषाको संरक्षणका लागि सम्पूर्ण मगरहरू एकजुट भएर अघि बढ्नुपर्ने बताउनुभयो । कार्यक्रममा नेपाल मगर संघ, कास्कीका सचिव लालबहादुर रानामगरले मगर जाति हरेक क्षेत्रमा अघि बढ्नुपर्ने बताउँदै अघि बढ्नका लागि शिक्षा अत्यन्त आवश्यक कुरा भएको उल्लेख गर्नुभयो । नेपाल आदिवासी जनजाति पत्रकार महासंघ (फोनिज), गण्डकी प्रदेशका अध्यक्ष रूद्रबहादुर श्रीसमगर, नेपाल मगर संघ, पोखरा महानगर समितिका अध्यक्ष ओम श्रीसमगरलगायतले मगर जातिको हक, अधिकारका लागि सचेत र संगठित भएर अघि बढ्नुपर्ने धारणा व्यक्त गर्नुभएको थियो ।
नेपाल मगर संघ, दीप बगर इकाई समितिका अध्यक्ष बालचन रानामगरको अध्यक्षतामा भएको कार्यक्रममा उपाध्यक्ष रेकबहादुर थापामगर, सचिव ज्ञानीसरा रानामगर, सहसचिव चित्रबहादुर रानामगरलगायतले बोल्नुभएको थियो । कार्यक्रममा कौरा, सोरठीलगायतका विभिन्न सांस्कृतिक प्रस्तुती समेत राखिएको थियो ।