राम्रो चस्मा कस्तो हुन्छ ? जसमा ब्रान्ड, ग्लासको क्वालिटी, फ्रेमको क्वालिटी राम्रो हुन्छ । तर, राम्रो र नाम चलेको ब्रान्ड भनेर किन्नुभयोभने तपाईं झुक्किन पनि सक्नुहुन्छ । ब्रान्डको नाम हुँदैमा चस्मा राम्रो नै हुन्छ भन्ने हुँदैन ।
विभिन्न इन्टरनेसनल ब्रान्डका चस्मा नेपालमा बिक्री गरिन्छन् । तर, साधारण चस्मामा इन्टरनेसनल ब्रान्डको जस्तै फिचर देखाएर पनिबेच्ने गरेको पाइन्छ । अर्थात् ‘कपी’ गरिएका ब्रान्डहरू बजारमा छ्याप्छ्याप्ती छन् ।
चस्मा किन्दा ठूलो ब्रान्डको सस्तोमा पाइयो भनेर किन्नचाहिँ हुँदैन । किन्दा ब्रान्डलाई कम प्राथमिकतामा राख्नुपर्छ । बजारमा रेबन, गुची, बरबेरीजस्ता चलेका ब्रान्ड पाइन्छन् ।
आँखाको सुरक्षामा ध्यानदिनुपर्ने कुरा –
हामीले सनग्लास घाममा हिँड्दा लगाउँछौँ । त्यसैले लेन्सको विशेषता हेर्दा कति यूभी (अल्ट्रा भोइलेट) प्रोटेक्सन दिन्छ भन्ने हेर्नआवश्यक छ । अर्थात् धेरै यूभी प्रोटेक्सन दिने लेन्स राम्रो हुन्छ । आँखाको सुरक्षाका लागि लेन्समा ४०० यूभी प्रोटेक्सन हुनैपर्छ ।
चस्मामा प्रायः दुई किसिमको लेन्स पाइन्छ । सिसा र प्लास्टिकको लेन्स चस्मामा हुन्छ । प्लास्टिकको लेन्सलाई फाइबर लेन्स पनिभनिन्छ ।
सिसाको लेन्समा प्रायः ४०० यूभी प्रोटेक्सन पाइन्छ । अर्थात् घामबाट आउने हानिकारक किरणलाई सिसाको लेन्सले धेरै रोक्न सक्छ ।त्यस्तै, प्लास्टिकको लेन्समा भने प्रायः ३०० यूभी प्रोटेक्सन हुन्छ ।
सिसाको लेन्समा स्पष्ट भिजन देख्न सकिन्छ । यस्तो लेन्समा दाग बस्ने वा स्क्य्राच आउने समस्या कमै हुन्छ । र, सिसाको लेन्स ज्यादास्टाइलिस पनि देखिन्छ । तर, सिसाका लेन्सहरू अरु लेन्सको तुलनामा भारी हुन्छ । त्यस कारण दिनभरि लगाउन नसकिने र बारबारझरिरहने हुन सक्छ ।
सिसाको लेन्समा सजिलै स्क्य्राच नभए पनि सजिलै फुट्न सक्ने भने हुन्छ । त्यस्तै, यो लेन्समा तपाईंले अन्य रङ थप्न चाहनुभएमा नमिल्नसक्छ ।
त्यस्तै, प्लास्टिकका लेन्स हलुका खालका हुन्छन् । दिनभरि लगाउन पनि असजिलो हुँदैन । प्लास्टिकको लेन्सको खास विशेषता नै यहीहो । सिसाको तुलनामा प्लास्टिकको लेन्समा स्क्य्राच हुने सम्भावना धेरै हुन्छ । तर, यस्तो लेन्स सजिलै फुट्दैन । प्लास्टिकको लेन्समाधेरै प्रकारका फ्रेम राख्न सकिन्छ र यसमा सिसाको लेन्समा जस्तो अरु रङ हाल्न नमिल्ने हुँदैन ।
चस्माको फ्रेममा ध्यान दिनुपर्ने कुरा –
बजारमा सबैभन्दा धेरै प्लास्टिककै फ्रेम पाइन्छ । प्रायः फ्रेममा प्लास्टिक नै प्रयोग गरिएको हुन्छ । कुनै फ्रेम मेटलको पनि हुन्छ ।प्लास्टिकको मेटलको तुलनामा मेटल फ्रेमको मूल्य केही बढी हुन्छ ।
चस्माको फ्रेममा ध्यान दिनुपर्ने भनेको ‘फ्लेक्जिबिलिटी’ हो । अर्थात् धेरै तन्काउन मिल्ने चस्मा धेरै टिकाउ हुन्छ । त्यसखाले चस्माकाफ्रेम ‘टीआर–९०’ले बनाइन्छ । टीआर–९० भनेको पनि एक किसिमको प्लास्टिक नै हो ।
‘एसिडेट’ नामको फ्रेम पनि बजारमा पाइन्छ । यो फ्रेम ‘बायोडिग्रेडेबल’ (सजिलै कुहिन सक्ने) हुन्छ ।यस्तो खाले लेन्स सबैभन्दा राम्रो क्वालिटीको हुन्छ ।
सन ग्लासमा कसरी पावर राख्ने ?
पावर भएको चस्मा प्रयोग गर्ने व्यक्तिले सनग्लास कसरी प्रयोग गर्न सक्छ ? योबारे धेरैलाई जानकारी हुँदैन । त्यस कारण कतिपयलेदुईवटा चस्मा प्रयोग गर्ने गरेका पनि छन् । तर, सन ग्लासमा नै पावर राख्न सकिन्छ ।
पावर भएको सनग्लास लगाउन साधारण खाले पावर भएको लेन्समा कलर गर्नुपर्ने हुन्छ । आफूलाई चाहिने वा मन परेको ‘शेड’ लेन्समाहाल्नुपर्ने हुन्छ । र, त्यसैलाई फ्रेमको आकारअनुसार काटिन्छ । यो काम चस्मा पसलहरूमा सजिलै गरिन्छ ।
